I need some help from you people

டிஸ்கி : நண்பர்கள் அனைவருக்கும் ஒரு நற்செய்தியும், சில உதவி கோருதலும்

நற்செய்தி : இம்மாதம் 22ஆம் தேதி மதுரையில் திருநங்கைகள் திரைப்பட விழா (Transgender Film Festival) நடத்த திட்டமிட்டுள்ளேன்.

உதவி : 1 சென்ற வருடம் ஒரு படம் மட்டுமே திரையிட முடிந்தது. இம்முறை கூடுதலாக ஒரு நாள் முழுதும் அல்லது இரண்டு நாட்கள் நடத்த திட்டமிட்டுள்ளேன்.

ஆனால், கைவசம் இருப்பது மூன்று தமிழ் படங்கள் மட்டுமே. எனவே, இந்தியாவிற்குள்ளாகவும், அயலிலும் வசிக்கும் நண்பர்கள் திருநங்கைகள் குறித்து, அவர்களின் பிரச்சனைகள் குறித்து பேசக்கூடிய படங்கள் கைவசம் இருந்தால் (இல்லாதபட்சத்தில் தேடிபிடித்தாவது) எனக்கு தனி மெயிலில் தெரிவிக்குமாறும், கூடியமட்டும் படங்களை எனக்கு அனுப்பி வைக்குமாறும் கேட்டுக் கொள்கிறேன். படங்கள் கிடைப்பதை பொறுத்து இரண்டு நாள் நிகழ்வாகவும் வைப்பதற்கு வாய்ப்புள்ளது.



உதவி : 2 ஏப்ரல் 22ல் மட்டுமே எனக்கு ஹால் இலவசமாக கிடைத்துள்ள நிலையில் அந்நாளே விழாவிற்கு உகந்ததாக உள்ளது. எனவே சென்னை வலைப்பதிவர் கூட்டத்திற்கு வரவுள்ள நண்பர்கள் கூடிய மட்டும் மதுரைக்கு வருமாறு கேட்டுக் கொள்கிறேன். (பால பாரதி மன்னிப்பாராக) நாளும் மற்ற விசயங்களும் உறுதியான நிலையில் அழைப்பிதழ் அனைவருக்கும் அனுப்பி வைக்கப்படும்.


என் முயற்சிகளுக்கு தொடர்ந்து ஆதரவு அளித்து வரும் நீங்கள் இதற்கு நிச்சயம் உதவுவீர்கள் என்று நம்புகிறேன்.


நன்றி!!