ஸ்மைல் : வயர்டு / ஒயர்டு / weired

அழைத்தமைக்கு நன்றி ஆழியூரான் அவர்களே...ஆக்சுவலி இந்த வயர்டு/ஒயர்டு/weired என்ற வார்த்தையை ரீசண்டா தான் நான் கேள்விபட்டேன். இப்பவும் இதுதான் அர்த்தம்னு தெளிவா தெரியாது. இருந்தாலும், பதிவுகளைப் படிச்சு புரிஞ்சிகிட்டதன் படி என் தரப்பு செய்திகளை மிகச் சுருக்கமாக தருகிறேன். நன்றி!!

என்னை இந்த விளையாட்டுக்கு அழைத்த நண்பர் ஆழியூரானுக்கு நன்றி!! ஏற்கனவே சுடர் ஏற்ற அழைத்த பொடிச்சியின் வேண்டுகோளை நிறைவேற்றமுடியாமைக்கும் மன்னிப்புக் கோரி இப்பதிவை பொடிச்சிக்கு டெடிகேட் செய்கிறேன்..

1. பயம் : எதிர்பாரமல் எழும் சிறிய சப்தம் (இருமல், பாத்திரங்கள் விழும் ஓசை, குறிப்பா சினிமாவில் வரும் துப்பாக்கி போன்ற அதீத சவுண்ட்ஸ்) முதல் தெரு நாய் (ஒரு தடவ கடி வாங்கி பரிந்துரைக்கப்பட்ட ஏழு ஊசியில் ஐந்து மட்டும் போட்ட அனுபவம்) வரை தொட்டதுக்கெல்லாம் பயந்து சாவது



2. அடமண்ட் : என்ன தான் பயந்தாங்கொள்ளியா இருந்தாலும் ஒரு கட்டத்துக்கு மேல டென்சன் ஆயிட்டா மண்டயெ பொளந்தாலும் சரிதான்னு துணிஞ்சி மல்லுக்கு நிற்பது (ஒரு முறை நாகர்கோயில் வண்டியில் தனியாளாக பத்து, பதினைந்து திருநெல்வேலி வீர சூரர்களிடம் மரண அடி வாங்கியும் துணிஞ்சி அடிக்குஅடிக்கு பதில(பதில்தான்)டி கொடுத்தது).



3. ஆ.கோ. : ஒரு விசயத்தில கமிட் ஆயிட்டா அத செய்து முடியிற வரைக்கும் கொஞ்சம் ஓவரா டென்சனோட இருக்குறது. அதுமட்டும்தான் இப்போதைக்கு தலயாய பிரச்சனை மாதிரி பில்டப் கொடுப்பது.



4. செலவாளி : மாசம் 5,000/- சம்பளம் வாங்கினாலும் சரி, பூனேல தினசரி 900-1,100 வரை தெறமயா பிச்சையெடுத்தப்பையும் சரி, கையல 5 பைசா நிக்காத செலவாளி... அந்த செலவும் உருப்படியா இருக்காது. ட்ரஸ்,டிசைன் டிசைனா தோடு, வளையல் (ஒன்னுகூட தங்கமில்லிங்க) புக்ஸ்(அப்பிடியே படிச்சிட்டாலும்), காஸ்டிலி சாப்பாடு, ஊர் சுத்துறது, சினிமா (பாக்கனும் கட்டம் கட்டிட்டா தனியாவாச்சும் போயிருவேன்) அடுத்த நாள் 10 ரூபாயை வச்சிட்டு பேன்னு முழிச்சிட்டு இருக்க வேண்டியது (ரொம்ப கொடுமடா சாமி)

5. படிப்பு : சின்ன வயசுல பாட புத்தகம், இல்ல லைப்ரரி புத்தகம்னு (என் விசயத்துல, இளம் வயதில் புத்தகங்கள் தான் தோழியா தோள்கொடுத்தது) புத்தக புழுவா நெளிஞ்சிகிட்டு இருப்பேன். கல்லூரி நாட்களில் ஜெயகாந்தன் தொடங்கி சாரு நிவேதிதா வரை பிரிச்சு மேய்ஞ்சிட்டு இருந்தேன். (கண்டிப்பா வரவனை ரேஞ்சுக்கெல்லாம் போனதில்லை). எனது பூனே நாட்களுக்கு பிறகு புனைவின் மீதும், ஆசிரியர்கள் மீதும், இருந்த கிரேஸ் குறைந்து கட்டுரைகள் மீது ஆர்வமாயிட்டேன். நாள்பட ஆழியூரான் மாறி சோம்பேறியாயிட்டேன். (திரும்பவும் கொஞ்சம் தீவிரமா படிக்கனும்னு ஏப்ரல்-01ல இருந்து முடிவு பண்ணிட்டேன்.)


சினிமா : இயல்பிலேயே நல்ல நடிகையா, நல்ல திரை இயக்குநராகனும்னு ஆசை இருப்பதால் எளவு சினிமா பாக்குறது வெறி சோத்துக்கு வழியில்லாட்டியும் கடன் வாங்கியாவது சினிமா பார்க்கனும் (சமீபத்தில் வந்த ட்ராபிக் சிக்னல் மாதிரி படமா இருந்தா மட்டும் இந்த விதி பொருந்தும். கடன் வாங்கி, ஆட்டோ புடிச்சு தியேட்டர்ல நின்னா பாவிங்க படத்தையே தூக்கிட்டாங்க, கூடுதலா கடன் வாங்கி சி.டி.ய வச்சு அழகு பாத்துட்டு இருக்கேன்)


இப்போதைக்கு இந்த வியர்டு போதும்... அடுத்த சீசன்ல மத்தத பகிர்ந்துகிறேன்..

இந்த விளையாட்டுக்கு,

அசுரன்,
ராஜ் வனஜ்,
வாய்ஸ் ஆப் விங்க்ஸ்,
பொடிச்சி,ஆகியோரை அழைக்கிறேன்...

வந்து உங்க வண்டவாளத்த தண்டவாளத்துல ஏத்துங்க பாப்பம்...