தேன் கூடு போட்டி "மரணம்"

எதை இழக்கிறோம் என்ற மயக்கத்தில்

அனஸ்தியா இல்லாமலே அறுத்துக் கதறும் நொடியிலும்..



செருப்புக்கடியில் தன்மானத்தை
ஒரு மலமென்றே மிதித்தபடி

கைநீட்டி கேவலப்பட்டு நிற்கும் நாட்களிலும்...



வன்மத்துடன் நுழையும் குறியால் மூச்சுமுட்ட

நுரையீரல் திணறி நிற்கும் நிலையிலும்...



எதற்கென்றே புரியாமல் எங்களை நோக்கி துப்பப்படும்

வீச்சமடிக்கும் எச்சில்களைக் கேட்கிறேன்



மரணம் மட்டுமா மரணம்...?